Viral

قصة مشوقة للغاية

باقي القصة هنا
باقي القصة هنا
الموضوع القديم اتفتح من تانى وبدات اشك ف صحابي … ” زينه وليلى ” طبعا فضلت افكر كتير انا هتأكد ازاى وهعرف ازاى هتبرد ازاى … لغاية ما جاتلى الفكره …عزمتهم عندى وقولتلهم وحشتونى وعاوزه نقعد قعدة النميمه بتاعتنا وتعالو يوم الجمعه نتغدى سوا ونطلع ع النادى بعدها ….ومارضيتش اقول لجوزى حاجه …

لان ده ف قانون كيد النسا اللى اغلب الستات تعرفه هى انك بتحدد الاول مين العدو بتاعك … لو الكلام وصل لجوزى انى عزمت اصحابي يبقي بالدليل ومما لا شك فيه انه معلق مع واحده منهم او ممكن يكون معلق مع الاتنين …. النهارده الاتنين . فاضل المفروض اربع ايام على العزومه .. وماتكلمتش ولا جبت سيره . بس تصرفاته ف الايام دى كانت غريبه . اللى هو عاوز يسالنى بطريقه غير مباشره اذا كنت هعزم حد ولا لا بس مش عارف يجيبهالى ازاى … لغاية ما وقع بلسانه يوم الخميس . قبل العزومه بيوم وقالى ف نص الكلام . انا رايح اتغدى عند واحد صاحبي بكره طالما انتى مش هتبقي فاضيه ومع اصحابك … بينى وبينكو انا ساعتها توهت ف الكلام . ماخليتوش يحس انى خدت بالى او انه وقع بلسانه وقالى كده .. لا .. انا عملت انى مش سامعه ولا واخده بالى . لانى لو قفشته يبقي كل اللى انا بعمله راح على الفاضي …. بس كده انا كسبت .. كسبت انى حددت مين هو اللى بيلعب بديله معاها . وهما واحده من اتنين .. زينه أو ليلي …. زينه قدى ف السن

. متجوزه واحد غنى جدا معيشها ف هنا وعربيات وفسح وكل شهرين تلاته فسحه ف بلد شكل .. ليلى نفس الكلام بس ليلي تفرق عن زينه ان جوزها على طول مشغول ف سفريات بره مصر … بيروح وييجى . يعنى زى كده مثلا 5 ايام بره ويومين معاها . طبعا بيصرف عليها شديد . ما علينا … حبيت بردو استبين هو معلق مع الاتنين ولا مع واحده بس . طب لو معلق مع الاتنين . هل كل واحده على معرفه بعلاقته مع التانيه ولا هو بيسرح بكل واحده على حدا … دا اللى هعرفه ف العزومه …..ع الساعه 3 كده كل واحده منهم جات لوحدها … وده اول مؤشر يدل على ان كل واحده ماتعرفش علاقة التانيه بالشملول جوزى … بس لسا الموضوع مفتوح مش متأكده بنسبة 100 % … حضرت الاكل وكلنا سوا . العيال لعبت مع بعضهم وانا واصحابي فضلنا قاعدين نتكلم ونهزر ونضحك ضحك مش طبيعى . وانا بصطاد ف نص الكلام اى نظره لاى واحده فيهم . اى كلمه مش محسوبه .. لغاية ما حصل اللى كنت مرتباله …. زينه لقيتها بتقولى” اومال جوزك فين .مش باين . مش النهارده اجازته ..؟ ” الكلمه عاديه لان النهارده الجمعه واكيد اجازه . بس الاكبر من كده ان ليلي قالت ” اه الجمعه والسبت ” مش كده يا انجى ؟ انا بردو ولتانى مره عملت فيها عبيطه … ” اه يا حبيبتى اجازته الجمعه والسبت ” استنوا اجيبلكو الحلو بقا عامله صينية كيك هتلحسوا صوابعكو وراها …….. ربع ساعه وبدات انا ف دور المستجوب …. ” زينه … جوزك عامل ايه .. ” قالتلى ” كويس شغله كويس بس مش عارفه مابقاش مهتم بيا زى الاول بقت كل حياته عباره عن شغل وفلوس …….. ” ازاى يابنتى مش بيفسحكوا كل شهرين تلاته … ومن كم اسبوع كنتى ف ايطاليا ؟ ردت بسماجه ” اه .. بس ماببقاش مبسوطه اااد كده . بيسيبنى وبيقضيها نوم . وافضل انا طول اليوم بلف هنا والف هنا انا والعيال …” تمام . وانتى يا ليلي … اخبار جوزك ايه ؟ …

ردت بضحكه اشبه بسخريه ..” جوزى .. بلا خيبه هو انا بشوفه غير كل فين وفين …. ده منفضلى يابنتى تنفيضه ليها العجب … وكمان مابقاش *** زى الاول … بقا مهدود من كُتر السفريات …. وطبعا بما اننا اصحاب زمن كان الكلام واخد مساحه من الحريه والجراه اكبر واكبر . واكيد طبعا فاهمين احنا اتكلمنا ف ايه . وهى شرحتلى ايه …! تمام لغاية كده …فاضل اخر حاجه واللى هتأكدلى … هى المواجهه .. لازم اجيب جوزى ويقعد معاهم . طبعا كلنا عارفين بعض … بس المرادى غير كل مره . المرادى هبقي مركزه ف الوشوش والتفاصيل الصغيره . هعرف اللى انا عاوزه اعرفه .. دخلت اوضتى وكلمت جوزى قولتله ما تجيلنا على النادى . هنزل انا والعيال اهو تعالالنا هناك نقضى اليوم ,,, قالى ماشي .. الغريبه انه مسالش اصحابي مشيوا ولا لا … جات ف وقتها دى … خرجت قولت للبنات . يلا ننزل نروح النادى … كلنا فعلا نزلنا وروحنا … نص ساعه لقيت جوزى جاى بيقولى انتى قاعده فين … شاورتله قولتله ف وشك اهو معايا زينه وليلى .. تعالى …. قالى ايه ده ؟ هما لسا ماروحوش … طيب انا … انا ..هخلص حاجه مع واحد صاحبي كده وجاى .. قومت سابقاه بالكلام وقولتله لا ماتهزرش ماتقولش انك مش جاى تعالى سلم عليهم وامشي عيب … قالى تمام .. هسلم وهمشي …..طبعا وشوش البنات اتغير 180 درجه ل مجرد انهم حسوا ان جوزى جاى … وهنا خليتهم يتقابلوا كلهم ف وش بعض وانا قاعده …. وحصل اللى كنت مستنياه يحصل انتظرونا الجزء التالت بكرا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق