Viral

قصه لغز عمياء المشرحه

باقي القصه هنا

اتفاجئ ان باب المشرحة مقفول بالقفل من برا  وبيردد من جواه
-ده انا لسه شايف الباب بيتفتح وحد دخل واتقفل تاني
دب الخوف في قلب صالح وافتكر كلام زميله بتاع الورديه الصباحيه انه فيه عفاريت في المشرحة وانه مهما سمع ميخرجش من اوضة المراقبه

جري صالح بسرعه ناحية غرفة المراقبه وفتح الباب بسرعه ودخل
جسده خايف من البرد والخوف مع بعض وعينه علي باب المشرحة
جواه احساس انه هيخرج شبح من المشرحة وينقض عليه
من خلفه ووسط سكون الليل سمع صالح صوووت مخيف خلي صالح  لف كشافه بسرعه
شاف قط اسود بيصدر صوت كأنه بيتخانق وواقف قدام غرفة المراقبه وبيبص لصالح بتركيز شديد
نسي صالح باب المشرحة خااالص وركز في عيون القط وبدأ يقرأ ايات قرأنيه ويستعيذ بالله من الشيطان الرجيم
جسد صالح خايف بقوه وهو مسلط كشافه علي القط الاسود اللي ماشي رايح ناحية باب المشرحة
القط في لحظة اتحول لفتاة ماده ايديها قدامها وكأنها بتتحسس طريقها او عمياء لحد اما لمست بايدها باب المشرحة

انفتح باب المشرحة اللي مقفول بقفل كبيير صعب حد يفتحه وصالح باصص للبنت اللي بتدخل وبتلف وشها ناحية صالح وتبصله
سمع صالح صوتها بتقوله
-قتلووني ياصالح قتلوني ومحدش جاب حقي
صوت باب المشرحة اتقفل بقوه بعد اما البنت دخلت وصااالح نط من مكانه لفووق وانكمش في ركن غرفة المراقبه وهو بيقووول اعوووذ بالله من الشيطان الرجيم
جسمه كله بيترعش
بيحاول يمسك التليفون ولكنه مش عارف من شدة الارتعاش لحد اما تمالك نفسه وقرد يتصل بالدكتور شهااب
-اي ايي اييييوه يادكتور شهاااب
-ايه ياصالح فيه حد يتصل بحد وقت زي ده
-انا انا اس اسسسسف يادكتور بسس باب المشرحة فييييه قط وينت وووو….
-اهدي اهدي ياصالح    مفيش حاجه متقلقش انت خايف عشان اول مره تشتغل في مشرحة
-لاااا يادكتور انا شفت واااحده وباب المشرحة اتفتح و..ز
-قاطعه الدكتور شهاب: مفيش حاجه يابني بص هو بس عقلك بيهيألك حاجات لانك خوفت نفسك او حد خوفك بس اتغلب علي كل ده وشغل قرأن ومتخافش هتتعود واحده واحده انت بس عشان جديد في الشغلانه دي

كلام الدكتور هدي صالح شويه وخلاه اقتنع ان كل ده تهيؤات شغل صالح علي تليفونه قرأن لحد اما غلبه النعاس غصب عنه
-شاف صالح في المنام المستشفي التابعه للمشرحة
-بنت نازله من سيارة الاسعاف مشوهه تماما الظاهر انها اتعرضت للعذاب بالنار
-شاف الكل ملموم حواليها وواحد بيقوول لقيناها مرميه علي جنب الطريق محروقه وملفوفه ف بطانيه بس لسه روحها مطلعتش
-دخلت الفتاه غرفة العنايه المركزه وشاف صالح واحد من ضهره ماسك تليفون وبيتكلم
-ايوووه لسه فيها الروح بس كده كده هاتموت مستحيل تعيش
لا لا ماتقلقش هظبط الدنيا
لا ياعم ماتعرفش مين اللي عمل فيها كده  بقولك ايييه انت هاتوترني ليييه سلااام سلام عشان اتصرف

صحي صالح من منامه فجأه وعينه علي باب المشرحه اللي كان مفتح تماما رغم ان الصبح طلع
فرك صالح عينيه وبص للباب تاني لقي الباب مقفول وصوت همس في ودنه بيقووول
-قتلووني ياصاااالح ومحدش جاب حقي
صوت الباب الرئيسي اتفتح ووجه صالح كشافه بسرعه ناحية الباب الرئيسيب بص صالح على البوابه الرئيسه

لقي زميله بتاع الورديه الصباحيه وصل

سلم زميل الورديه الصباحيه علي صالح وقاله

-طمني شفت حاجه؟؟؟ بيقولو المشرحة بيبقي فيها بلاوي بالليل
صالح غلب عليه الطابع الصعيدي انه ميحبش يظهر قدام اي حد انه خايف ورغم الرعب اللي ماليه
-لا ماشفتش حاجه  الدنيا تمام فيه قط اسود بس كان واقف برا الاوضة وخرجت مشيته.  هي الناس بتشوف ايه
-يوووووه قالو حكايات كتييير بس اكتر حكاية بتتقال عن البنت العمياء اللي جابوها مقتوله من شهرين
صالح وهو في قمة تركيزه : البنت العميا ؟ دي مالها دي؟
دي جابتها الاسعاف من علي الطريق حد وكان فيه إصابات في جسمها من مناطق حساسه وهي حيه  مطفي في جسمها سجاير
وبعدها  قام وهى حيه  ولفها في بطانيه ورماها علي جنب الطريق
ناس شافت عربيه رمت بطانيه نزلو بسرعه يشوفو ايه وقع منه لقيوها هي. بلغو الاسعاف ووصلت حيه مكانتش لسه روحها طلعت  دخلت العنايه المركزه ودكتور شخصها غلط بانها ماتت وحطوها في ثلاجة المشرحه
وفي الورديه المسائيه سمعو صوت عند التلاجه  فتحو الباب لقيوها قاعده وميته من البرد
مكانتش ماتت لحد اما دخلت التلاجه وروحها طلعت جواها

صالح في جسمه كله
عقله مش متوقف للحظة عن التفكير
لو كان كلام الدكتور شهاب صح وان دي مجرد تخيلات ازاي اتخيل حاجه حصلت حقيقي في المشرحه وازاي مش هو بس اللي شاف نفس الشئ واغلب اللي اشتغلو في المشرحة  شافوها

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق