قصص عامه

الجزء التانى من قصه خطيبي اتجوز صاحبتي

الحلقه الثانيه
الغدر من اقرب الناس …
نده علي ابوي
روحتله وقعدت معاه .. قالى ” انتى عارفه انى تعبان بقالى سنين .. وانتى بنتى الوحيده وانا مش عارف انا عايش لبكره ولا لا .. متقوليش انه كلام كل اب وتعترضى جواكى .. بس انا فعلا خايف عليكى .. انا وانتى عارفين

انه خلاص محمود اتجوز .. ومفيش امل ان اى حاجه تتصلح .. وانا ربيتك ع انك متضعفيش وتواجهى كل حاجه بنفسك من صغرك .. وعارف انك هتعدى المرحله دى .. وانا من اسبوعين ابن عمتك اسلام وهو بيزورنى فب المستشفى كلمنى عنك .. وانه عايز يخطبك وانا قولتله يستنى نتكلم ف الموضوع ده لما اخرج .. وانا موافق عليه

ي نسمه ومش شايف ان هو وحش وكمان شخصيته كويسه وانا اللى مربىه وانا ي بنتى مش هفرضه عليكى .. بس عشانى انا اقعدى معاه واتخطبوا فتره ولو مرتحتيش هقفل الموضوع وهو فاهم ده ” 🙂
انا مكنتش عارفه في الوقت ده ارد واقول ايه ..
بس ازاى بابا يقولى كده وهو عارف ان محمود كان مهم عندى اووى !!
انا مقدرتش ارفض وقولتله ان شاء الله ي بابا 🙂
عدى كام يوم واحنا ع نفس الحال مفيش جديد .. لحد ما

جه بليل وقالى اسلام جاى انهارده ي نسمه 🙂
كنت متوتره جدا اليوم ده ومش عايزه اشوفه فعلا ..
انا ع طول شايفه اسلام ابن عمتى وبس !!
الجرس رن وانا بفكر.. قومت وفتحت الباب ماهو انا مش ف دماغى انه عريس عقلى رافض ..
سلمت عليه ودخل وبابا خد ماما عشان يعملوا حاجه لاسلام يشربها :/
مكنتش بصاله ولا بتكلم ..
قالى نسمه انا عارف ان محمود كان خطيبك وعارف بتحبى من قد ايه ..

وانا مش بقولك اتخطبى ليا بالعافيه والله ..
بس تفهمينى مش اكتر وكمان عشان بابا <3
وبعدين مهما حصل هتفضلى نسمه اللى كنت برخم عليها وهى صغيره
خلانى ضحكت
قالى مدام ضحكتى يبقى هقوم امشى انا بقى وهقول لباباا انك موافقه .. 😀
مشى وملحقتش ارد !! ده بيهزر ولا ايه !!
بس انا كنت حاسه انى كويسه مع الفكره ف سكت 💜
عدى كام يوم لاقيت بابا بيقولى اسلام جاى انهارده بليل ي نسمه

قولتله حاضر ي بابا !!
جه اسلام والمرادى قعدنا ف البلكونه
قولتله ايه ي بنى انت مصمم ندخل البلكونه ليه ؟؟
قالى اصلا عايز اتفرج على  انمي بتابعه ومكنتش عايز حد يسمع .. وانتى مش هتفض حينى طبعا هههه <3
قولتله بجد .. انت بتابع ؟؟
قالى اه طبعا .. انتى بتحبى الانمى ؟؟
قولتله اه اووى 😍
قالى خلاص هنتفرج سوا بعد كده ..
واحنا بنتفرج ع الانمى لاقيت محمود واقف وبيبص علينا :/
اسلام قالى الانمى خلص خلاص تعالى ندخل ..!
دخلنا وقالى انه هيمشى :/
مش فاهمه هو هيغير ولا ايه !!

دخلت نمت وصحيت تانى يوم لاقيت ماما بتقولى ان محمود ونرمين فرحهم بعد يومين ..!
وكان ده يوم الخميس ..
قولتلها ربنا يسعدهم ي ماما 🙂
قالتلى احنا هنروح ها ..
قولتلها ان شاء الله <3
قومت صليت وفضلت ادعى ربنا بالخير ..
لاقيت اسلام جه ..
خرجتله وقولتله انت هاتيجى كل يوم ولا ايه ؟
كشر بعد ما كان بيضحك .. قالى تصدق انا غلطان كنت عاملك مفاجاه :/
انا ماشى ..
لاقيت بابا خرج وقاله اسلام استنى عشان عايز اتكلم معاكوا ..
قعد بابا وقاله بص ي بنى انت كده خلاص خطيب بنتى .. ناقص الدبل ..
ودى هنروح نجيبها بكره باذن الله 🙂
وتانى حاجه بقى ان فرح محمود بعد يومين واحنا اتعزمنا وانا مش هقدر اروح وانت عارف تعبى ..
ف هتروح مع نسمه وامها وهتاخد بالك منهم ..
مشى بابا وسبنى كده بصيت لاسلام وقولتله دبل ايه انا معرفش ؟؟!
قالى والله ولا انا ههههههه
بس انا مش شايف ان ف مانع احنا ماشين كويس وفعلا ناقص الدبل ..
قولتله طبعا ايه المفاجاه
قالى جبتلك السلم والتعبان عشان نلعب هههههه
قولتله انت بتهزر صح ؟؟
قالى لا والله وراح مطلعه من الشنطه 😀
قولتله والله كان نفسى العبه اووى هههههههه <3
بصلى وقالى وانا مش هخلى حاجه نفسك فيها ومش هعملها 💙
قولتله طب يلا نلعب ..
قالى يلا ..
فضلنا نلعب لحد بليل ..
روحنا نجيب الدبل مش عارفه كنت مبسوطه ليه ؟؟
بس بجد مش حاسه انى عايزه امنع ده 🙂
واحنا بنلبس الدبل لبس دبلته لنفسه وبصلى وقالى يلا البسيها هههه <3
قولتله حاضر ولبستها وكان الكل بيزغرط .. ^^
وبعدها روحنا ..
عدى اليوم اللى بعده ومجاش ..
واليوم اللى بعده جه بليل .. عشان ياخدنا للفرح
روحنا هناك ..
شوفتهم وهما قاعدين جنب بعض .. بقيت مراته خلاص .. لسه مش مستوعبه ان هما اووى 💔
بس والله كنت عايزاهم يفرحوا .. ومكنتش فاهمه انا ازاى قادره اكون قويه واجى كده !!
اسلام بصلى وقالى اضحكى هاااااا 😂
رخم جدااا يعنى قولتله حاضر اهو 😁
روحنا نسلم .. محمود بص ع ايدى قالى اتخطبتى ؟؟
اسلام مسك ايده وقاله اه خطيبتى مبروك ي عريس
مبروك ي عروسه وقالى يلا 😂😍
وماما سلمت وجتلنا واحنا واقفين وقالنا مش جينا وسلمنا يلا نمشى بقى ههه
قولتله ي بنى اهدى مالك ؟؟
قالى مشوفتيش شكله وهو بيقولك انتى اتخطبتى :/
يلا ي حبيبتى عشان نمشى :/
روحنا واحنا تحت البيت قالى انا هقعد اسبوع مش هاجى عشان الشغل هااا
واول مااجى هجبلك لعبه جديده نلعبها بس هتبقى مفاجاه بقى ههههههه <3
قولتله ماشى .. ومشى
كنت طالعه وانا بضحك ع السلم لاقيت بابا ف وشى وبيقولى يارب اشوفك ع طول بتضحكى كده <3
عدى يوم التانى التالت لاقيت نفسى زهقت وعايزه اشوفه ؟؟
وقررت انى اكلمه وبدأت مااقدر استغني عنه  .. لان كنت مضايقه اووى 🙁
بس رد فعله كان غريب اووى

انتظرو حلقة الاخير

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق